Nukta-Chee'n Hai, Ghum-E-Dil, Us Ko Sunaaye Na Bane,
Kya Bane Baat, Jahaan Baat Banaaye Na Bane.!
Main Bulaata To Hoon Us Ko, Magar Ai Jazba-E-Dil,
Us Pe Ban Jaaye Kuch Aisi, K Bin Aaye Na Bane.!
Khel Samjha Hai, Kahi'n Chhorh Na De, Bhool Na Jaaye,
Kaash, Yoon Bhi Ho K Bin Mere Sataaye Na Bane.!
Ghair Phirta Hai Liye Yoon Tere Khat Ko K Agar,
Koi Poochhe K Ye Kya Hai, To Chhupaye Na Bane.!
Is Nazaakat Ka Bura Ho, Wo Bhale Hain To Kya,
Haath Aawein, To Unhein Haath Lagaaye Na Bane.!
Kah Sake Kaun K Ye Jalwa-Gari Kis Ki Hai,
Parda Chhorha Hai Wo Us Ne, K Uthhaaye Na Bane.!
Maut Ki Raah Na Dekhun, K Bin Aaye Na Rahe,
Tum Ko Chaahun, K Na Aao, To Bulaaye Na Bane.!
Bojh Wo Sar Se Gira Hai, K Uthhaaye Na Uthhe,
Kaam Wo Aan Parha Hai, K Banaaye Na Bane.!
Ishq Par Zor Nahi, Hai Ye Wo Aatish "Ghalib",
K Lagaaye Na Lage, Aur Bujhaaye Na Bane.!!
"Mirza Asadullah Khan Ghalib"
نُکتہ چِیں ہے ، غمِ دِل، اُس کو سُنائے نہ بنے
کیا بنے بات ، جہاں بات بنائے نہ بنے
میں بُلاتا تو ہُوں اُس کو ، مگر اے جذبۂ دِل
اُس پہ بَن جائے کُچھ ایسی، کہ بِن آئے نہ بنے
کھیل سمجھا ہے ، کہیں چھوڑ نہ دے ، بُھول نہ جائے
کاش! یُوں بھی ہو کہ، بِن میرے ستائے نہ بنے
غیر پِھرتا ہے لِیے یُوں تِرے خط کو کہ ، اگر
کوئی پُوچھے کہ، یہ کیا ہے ؟ تو چُھپائے نہ بنے
اِس نزاکت کا بُرا ہو ، وہ بَھلے ہیں، تو کیا
ہاتھ آویں ، تو اُنھیں ہاتھ لگائے نہ بنے
کہہ سکے کون، کہ یہ جلوَہ گری کِس کی ہے
پردہ چھوڑا ہے وہ اُس نے، کہ اُٹھائے نہ بنے
موت کی راہ نہ دیکھوں، کہ بِن آئے نہ رہے
تم کو چاہوں، کہ نہ آؤ ، تو بُلائے نہ بنے
بوجھ وہ سر سے گِرا ہے کہ اُٹھائے نہ اُٹھے
کام وہ آن پڑا ہے، کہ بنائے نہ بنے
عشق پر زور نہیں ، ہے یہ وہ آتش غالب!
کہ لگائے نہ لگے ، اور بُجھائے نہ بنے..
"مرزا اسداللہ خاں غالب"
No comments:
Post a Comment