Ishq Mujh Ko Nahi, Wahshat Hi Sahi

Ishq Mujh Ko Nahi, Wahshat Hi Sahi,
Meri Wahshat, Teri Shohrat Hi Sahi.!

Qat'a Kijiye Na Ta'alluq Hum Se,
Kuch Nahi Hai To Adaawat Hi Sahi.!

Mere Hone Mein Hai Kya Ruswaai,
Ai, Wo Majlis Nahi, Khilwat Hi Sahi.!

Hum Bhi Dushman To Nahi Hain Apne,
Ghair Ko Tujh Se Mohabbat Hi Sahi.!

Apni Hasti Hi Se Ho, Jo Kuch Ho,
Aagahi Gar Nahi, Ghaflat Hi Sahi.!

Umr Har Chand K Hai Barq-E-Khiraam,
Dil Ke Khoo'n Karne Ki Fursat Hi Sahi.!

Hum Koi Tark-E-Wafa Karte Hain,
Na Sahi Ishq, Musibat Hi Sahi.!

Kuch To De, Ai Falak-E-Na'insaaf,
Aah-O-Fariyaad Ki Rukhsat Hi Sahi.!

Yaar Se Chherh Chali Jaaye "Asad",
Gar Nahi Wasl To Hasrat Hi Sahi.!!

"Mirza Asadullah Khan Ghalib"

عشق مجھ کو نہیں، وحشت ہی سہی
میری وحشت، تِری شہرت ہی سہی

قطع کیجے نہ، تعلّق ہم سے
کچھ نہیں ہے، توعداوت ہی سہی

میرے ہونے میں، ہے کیا رُسوائی؟
اے، وہ مجلس نہیں، خلوت ہی سہی

ہم بھی دشمن تو نہیں ہیں اپنے
غیر کو تجھ سے محبت ہی سہی

اپنی ہستی ہی سے ہو، جو کچھ ہو
آگہی گر نہیں، غفلت ہی سہی

عمر ہر چند کہ ہے برق خرام
دل کے خوں کرنے کی فرصت ہی سہی

ہم کوئی ترک وفا کرتے ہیں
نہ سہی عشق، مصیبت ہی سہی

کچھ تو دے، اے فلکِ نا انصاف
آہ وفریاد کی رُخصت ہی سہی

یار سے چھیڑ چلی جائے، اسد
گر نہیں وصل تو حسرت ہی سہی..

"مرزا اسداللہ خاں غالب"