Lutf se matlab, na kuchh mere sataane se gharaz,
Shokhiyo'n se kaam, un ko muskurane se gharaz
Us gali se kaam, un ka saamna ho ya na ho,
Mujh ko ho aana wahan tak, har bahane se gharaz,
Shikwa-e-aghyaar par zaalim ne yoon taala mujhe,
Tum ko hum se kaam hai, tum ko zamane se gharaz
Koi mausam koi din ho is se kuchh matlab nahin,
Hazrat-e-'Bekhud' ko hai peene pilaane se gharaz.!!
"Bekhud Dehlvi"
No comments:
Post a Comment