Dekh Kar Jauban Tera Kis Kis Ko Hairani Hui

Dekh kar jauban tera kis kis ko hairani hui,
Is jawani par jawani aap diwani hui,

parde parde mein mohabbat dushman-e-jaani hui,
Ye khuda ki maar kya ai shauq-e-pinhaani hui,

Dil ka sauda kar ke un se kya pashemaani hui,
Qadr us ki phir kahaan jis shay ki arzaani hui,

Mere ghar us shokh ki do din se mehmaani hui,
Bekasi ki aaj kal kya khana-viraani hui,

Tark-e-rasm-o-raah par afsos hai dono'n taraf,
Hum se nadaani hui ya tum se nadaani hui,

Ibtida se inteha tak haal un se kah to doo'n,
Fikr ye hai aur jo kah kar pashemaani hui,

Ghum qayamat ka nahin waa'iz mujhe ye fikr hai,
Deen kab baaqi raha duniya agar faani hui,

Tum na shab ko aaoge ye hai yaqeen aaya hua,
Tum na maanoge meri ye baat hai maani hui,

Mujh mein dam jab tak raha mushkil mein the teemardaar,
Meri aasaani se sab yaaro'n ki aasaani hui,

Is ko kya kahte hain utna hi badha shauq-e-visaal,
Jis qadar mashhoor un ki paak-daamaani hui,

Bazm se uthne ki ghairat baithne se dil ko rashk,
Dekh kar ghairo'n ka majmaa kya pareshaani hui,

Daawa-e-taskheer par ye us pari-wash ne kaha,
Aap ka dil kya hua mohr-e-sulemaani hui,

Khul gayi'n zulfein magar us shokh mast-e-naaz ki,
Jhoomti baad-e-saba phirti hai mastaani hui,

Main saraapa sajde karta us ke dar par shauq se,
Sar se pa tak kyun na peshaani hi peshaani hui,

Dil ki qalb-e-mahiyat ka ho use kyunkar yaqeen,
Kab hawa mitti hui hai aag kab paani hui,

Aate hi kahte ho ab ghar jayenge achchhi kahi,
Ye misaal poori yahaan man-maani ghar jaani hui,

Arsa-e-mahshar mein tujh ko Dhoondh laaun to sahi,
Koi chhup sakti hai jo soorat ho pahchaani hui,

Dekh kar qaatil ka khaali haath bhi ji darr gaya,
Us ki cheen-e-asteen bhi cheen-e-peshaani hui,

Kha ke dhoka us but-e-kamsin ne daaman mein liye,
Ashk-afshaani bhi meri gauhar-afshaani hui,

Bekasi par meri apni tegh ki hasrat to dekh,
Chashm-e-jauhar bhi ba-shakl-e-chashm-e-hairaani hui,

Bekasi par 'Dagh' ki afsos aata hai humein,
Kis jagah kis waqt us ki khana-viraani hui.!!

"Dagh Dehlvi"
_____________

Dushman-e-jaani = a deadly foe, a mortal, enemy,
Shauq-e-pinhaani = hidden love,
Arzaani = low price, cheapness,
Khana-viraani = ruin of one's home,
Tark-e-rasm-o-raah = renouncing friendship,
Waa'iz = preacher,
Shauq-e-visaal = pleasure of union,
Paak-daamaani = pure, devout,
Rashk = jealously, envy, malice, spite,
Daawa-e-taskheer = claim of conquest,
Pari-wash = angel faced, beautiful,
Mohr-e-sulemaani = Solomon's seal,
Saraapa = human figure from head to foot
सर से पाँव तक,
Peshaani = the forehead,
Qalb-e-mahiyat = heart of substance, essence, quality; state or form of being, nature,
Arsa-e-mahshar = duration of doomsday,
Cheen-e-asteen = wrinkles in sleeve,
Cheen-e-peshaani = wrinkles on forehead,
Ashk-afshaani = showering tears,
Gauhar-afshaani = sprinkling pearls,
Tegh = sword,
Chashm-e-jauhar = bejeweled eye,
Ba-shakl-e-chashm-e-hairaani = with a surprised eyes,
____________________

دیکھ کر جوبن ترا کس کس کو حیرانی ہوئی
اس جوانی پر جوانی آپ دیوانی ہوئی.. 

پردے پردے میں محبت دشمن جانی ہوئی
یہ خدا کی مار کیا اے شوق پنہانی ہوئی..

دل کا سودا کر کے ان سے کیا پشیمانی ہوئی
قدر اس کی پھر کہاں جس شے کی ارزانی ہوئی.. 

میرے گھر اس شوخ کی دو دن سے مہمانی ہوئی
بیکسی کی آج کل کیا خانہ ویرانی ہوئی..

ترک رسم و راہ پر افسوس ہے دونوں طرف
ہم سے نادانی ہوئی یا تم سے نادانی ہوئی.. 

ابتدا سے انتہا تک حال ان سے کہہ تو دوں
فکر یہ ہے اور جو کہہ کر پشیمانی ہوئی.. 

غم قیامت کا نہیں واعظ مجھے یہ فکر ہے
دین کب باقی رہا دنیا اگر فانی ہوئی..

تم نہ شب کو آؤ گے یہ ہے یقیں آیا ہوا
تم نہ مانو گے مری یہ بات ہے مانی ہوئی..

مجھ میں دم جب تک رہا مشکل میں تھے تیماردار
میری آسانی سے سب یاروں کی آسانی ہوئی..

اس کو کیا کہتے ہیں اتنا ہی بڑھا شوق وصال
جس قدر مشہور ان کی پاک دامانی ہوئی..

بزم سے اٹھنے کی غیرت بیٹھنے سے دل کو رشک
دیکھ کر غیروں کا مجمع کیا پریشانی ہوئی.. 

دعویٰ تسخیر پر یہ اس پری وش نے کہا
آپ کا دل کیا ہوا مہر سلیمانی ہوئی..

کھل گئیں زلفیں مگر اس شوخ مست ناز کی
جھومتی باد صبا پھرتی ہے مستانی ہوئی..

میں سراپا سجدے کرتا اس کے در پر شوق سے
سر سے پا تک کیوں نہ پیشانی ہی پیشانی ہوئی..

دل کی قلب ماہیت کا ہو اسے کیونکر یقیں
کب ہوا مٹی ہوئی ہے آگ کب پانی ہوئی..

آتے ہی کہتے ہو اب گھر جائیں گے اچھی کہی
یہ مثل پوری یہاں من مانی گھر جانی ہوئی..

عرصۂ محشر میں تجھ کو ڈھونڈ لاؤں تو سہی
کوئی چھپ سکتی ہے جو صورت ہو پہچانی ہوئی.. 

دیکھ کر قاتل کا خالی ہاتھ بھی جی ڈر گیا
اس کی چین آستیں بھی چین پیشانی ہوئی..

کھا کے دھوکا اس بت کمسن نے دامن میں لیے
اشک افشانی بھی میری گوہر افشانی ہوئی.. 

بیکسی پر میری اپنی تیغ کی حسرت تو دیکھ
چشم جوہر بھی بشکل چشم حیرانی ہوئی.. 

بیکسی پر داغؔ کی افسوس آتا ہے ہمیں
کس جگہ کس وقت اس کی خانہ ویرانی ہوئی..