Tanha tanha dukh jhelein ge mahfil mahfil gayein ge,
Jab tak ansoo paas rahein ge tab tak geet sunayein ge,
Tum jo socho woh tum jaano hum to apni kahte hain,
Der na karna ghar aane main warna ghar
kho jayein ge,
Bachchon ke chhote haathon ko chaand sitaare chhoone do,
Chaar kitaabein parh kar yeh bhi hum jaise ho jayein ge,
Achchi soorat waale saare pathar–dil hon mumkin hai,
Hum to us din raaye dein ge jis din dhoka khayein ge,
Kin raahon se safar hai asaan kaun sa rasta mushkil hai,
Hum bhi jab thak kar baithein ge auron ko samjhayein ge..!!
Nida Fazli
No comments:
Post a Comment