Laut Aao Ke Muntazir Hai Nigaah

"Laut Aao"

Is Se Pahley Ke Dasht-e-Imkaa'n Mein
Wasl-e-Jaa'n Ki Aarzoo Na Rahey...

Is Se Pahley Ke Baar-e-Ghum Se Kahi'n
Tujh Ko Paaney Ki Justujoo Na Rahey...

Is Se Pahley Ke Dasht-e-Khwaahish Mein
Farsh-e-Afsurdgi Bichhey, Sar-e-Raah...

Laut Aao Ke Muntazir Hai Nigaah...

Is Se Pahley Ke Loh-e-Qismat Par
Baab-e-Ulfat Tamaam Ho Jaaye...
Laut Aao Ke Muntazir Hai Nigaah
Is Se Pahley Ke Shaam Ho Jaaye..!!
___________________________________