Ajab Taqaaze Hain Chaahato'n Ke,
Badi Kathin Ye Musaafatein Hain...
Main Jis Ki Raaho'n Mein Bichh Gaya Hoon,
Usi Ko Mujh Se Shikaayatein Hain...
Shikaayatein Sab Bajaa Hain Lekin
Main Kaise Us Ko Yaqee'n Dilaaun...
Jo Mujh Ko Jaan Se Azeez-Tar Hai
Usey Bhulaaun, To Mar Na Jaaun...
Main Khaamoshi Ki Inteha Mein
Kahaan Kahaan Se Guzar Gaya Hoon...
Usey Khabar Bhi Nahi Shaayad
Main Dheerey Dheerey Bikhar Gaya Hoon..!!
No comments:
Post a Comment