Kabhi Ruk Gaye, Kabhi Chal Diye

Kabhi Ruk Gaye,
Kabhi Chal Diye,
Kabhi Chaltay Chaltay Bhatak Gaye!
Yunhi Umr Saari Guzaar Di,
Yunhi Zindagi Ke Sitam Sahe!
Kabhi Neend Me,
Kabhi Hosh Me,
Tu Jahaan Mila,
Tujhe Dekh Kar,
Na Nazar Mili,
Na Zubaan Hili,
Yunhi Sar Jhuka Ke Guzar Gaye!
Kabhi Zulf Par,
Kabhi Chashm Par,
Kabhi Tere Saraape Par,
Jo Pasand Thay,
Meri Kitaab Mein,
Wo Sheyr Saare Bikhar Gaye!
Mujhay Yaad Hai,
Kabhi Ek Thay,
Magar Aaj Hum Hain Juda Juda!
Wo Juda Hue,
To Sanwar Gaye,
Hum Juda Hue,
To Bikhar Gaye!
Kabhi Arsh Par,
Kabhi Farsh Par,
Kabhi Un ke Dar,
Kabhi Dar-Ba-dar.!!

Ghum-e-Aashiqui Tera Shukriya
Hum Kahaan Kahaan Se Guzar Gaye.!!

"Parween Shakir"