Jab Tera Dard Mere Saath Wafa Karta Hai

Jab Tera Dard Mere Saath Wafa Karta Hai...
Ek Samunder Sa Meri Aankho'n Se Baha Karta Hai..!

Uski Baatain Mujhey Khushboo ki Tarah Lagti Hain...
Phool Jaise Koi Sahraa Main Khila Karta Hai...!

Mere Dost Ki Pahchaan Yahi Kaafi Hai...
Woh Har Ek Shakhs Ko Danishta Khafa Rakhta Hai...!

Aur koi Sabab Us ki Mohabbat ka Nahi...
Baat Itni Si Hai Ke Woh Mujh Se Jafa karta Hai..!

Jab khizaa'n Aaye To Laut Aaye Ga Wo Bhi "Wasiq"...
Woh Bahaaro'n Main Zara Kam Hi Mila Karta Hai...!!

"Sayyad Wasiq"