Zindagi khwaab-e-pareshaan se zyada to nahin,
Is main tabeer bhi mil jaye yeh waada to nahin,
Baat be’baat ulajhney ki yeh huu kaisi hai,
Yeh bataa tera bichhadney ka iraada to nahin,
Kaun khushboo ke peechey gaya door talak,
Log saada hain magar itney bhi saada to nahin,
Kis khushi se mujhe bheja hai bata surkh gulaab,
Zulm ka yeh teri jaanib se iraada to nahin,
Bewafa hum hi sahi, khud pe bhi kuch ghaur karo,
Be’rukhi aap ki bhi hadh se zyada to nahin..!!
_ Fakhira Batool
No comments:
Post a Comment