Milna tha ittifaaq bichhadna naseeb tha,
Wo utni door ho gaya jitna qareeb tha,
Main us ko dekhne ko tarasti hi rah gayi,
Jis shakhs ki hatheli pe mera naseeb tha,
Basti ke saare log hi aatish-parast they,
Ghar jal raha tha aur samandar qareeb tha,
Mariyam kahaan talaash kare apne khoon ko,
Har shakhs ke gale mein nishaan-e-saleeb tha,
Dafna diya gaya mujhe chaandi ki qabr mein
Main jis ko chaahti thi wo ladka ghareeb tha..!!
_ Anjum Rahbar
No comments:
Post a Comment