Almaari Se Khat Us Ke Puraane Nikal Aaye

Almaari se khat us ke puraane nikal aaye,
phir se mere chehre pe ye daane nikal aaye.

Maa baith ke takti thi jahaan se mera raasta,
mitti ko hataate hi khazaane nikal aaye.

Mumkin hai humein gaaon bhi pehchan na paaye,
bachpan mein hi hum ghar se kamaane nikal aaye.

Aye ret ke zarre tera ehsaan bahut hai,
aankhon ko bhigone ke bahaane nikal aaye.

Cheekhein bhi yahaan ghaur se sunta nahi koi,
kis shahar mein tum sher sunaane nikal aaye.?

Ab tere bulaane se bhi hum aa nahin sakte,
ham tujh se bahut aage zamaane nikal aaye.

Ek khauf sa rahta hai mere dil mein hamesha,
kis ghar se teri yaad na jaane nikal aaye..!! 

"Munawwar Rana"
____________________

الماری سے خط اس کے پرانے نکل آئے
پھر سے مرے چہرے پہ یہ دانے نکل آئے..

ماں بیٹھ کے تکتی تھی جہاں سے مرا رستہ
مٹی کے ہٹاتے ہی خزانے نکل آئے..

ممکن ہے ہمیں گاؤں بھی پہچان نہ پائے
بچپن میں ہی ہم گھر سے کمانے نکل آئے..

اے ریت کے ذرے ترا احسان بہت ہے
آنکھوں کو بھگونے کے بہانے نکل آئے..

اب تیرے بلانے سے بھی ہم آ نہیں سکتے
ہم تجھ سے بہت آگے زمانے نکل آئے..

ایک خوف سا رہتا ہے مرے دل میں ہمیشہ
کس گھر سے تری یاد نہ جانے نکل آئے..