Achchhi Se Achchhi Aab-o-hawa Ke Baghair Bhi

Achchhi se achchhi aab-o-hawa ke baghair bhi,
Zinda hain kitne log dawa ke baghair bhi.

Saanson ka karobaar badan ki zarooratein, 
Sab kuchh to chal raha hai dua ke baghair bhi. 

Barson se is makaan mein rahte hain chand log,
Ek doosre ke saath wafa ke baghair bhi. 

Ab zindagi ka koi bharosa nahin raha,
Marne lage hain log qaza ke baghair bhi. 

Hum be-qusoor log bhi dilchasp log hain, 
Sharminda ho rahe hain khata ke baghair bhi.

Charaagari bataaye agar kuchh ilaaj hai,
Dil tootne lage hain sada ke baghair bhi.!!

"Munawwar Rana"
____________________

اچھی سے اچھی آب و ہوا کے بغیر بھی
زندہ ہیں کتنے لوگ دوا کے بغیر بھی..

سانسوں کا کاروبار بدن کی ضرورتیں
سب کچھ تو چل رہا ہے دعا کے بغیر بھی..

برسوں سے اس مکان میں رہتے ہیں چند لوگ
اک دوسرے کے ساتھ وفا کے بغیر بھی..

اب زندگی کا کوئی بھروسہ نہیں رہا
مرنے لگے ہیں لوگ قضا کے بغیر بھی..

ہم بے قصور لوگ بھی دلچسپ لوگ ہیں
شرمندہ ہو رہے ہیں خطا کے بغیر بھی..

چارہ گری بتائے اگر کچھ علاج ہے
دل ٹوٹنے لگے ہیں صدا کے بغیر بھی..