Jo Hum Pe Guzrey They Ranj Saarey

Jo Hum Pe Guzrey They Ranj Saarey..
Jo Khud Pe Guzrey To Log Samjhey.!

Jab Apni Apni Mohabbaton Key Azaab
Jheley To Log Samjhey.!

Wo Jin Darakhton Ki Chhaon Mai Se
Musaafiron Ko Utha Diya Tha..

Unhi Darakhton Pe Agley Mausam Jo
Phal Na Utrey To Log Samjhey.!

Us Ek Kachchi Si Umr Waali Key Falsafey
Ko Koi Na Samjha..

Jab Us Key Kamrey Se Laash Nikli, Khutoot Nikley To Log Samjhey.!

Wo Khwaab They Hi Chanbeliyon Se, So
Sab Ney Haakim Ki Kar Li Ba'iat..

Phir Ek Chanbeli Ki Ott Mai Se Jo Saanp
Nikley To Log Samjhey.!

Wo Gaaon Ka Ek Zaeef Dehqaa'n Sadak
Key Banney Par Kyun Khafa Tha..

Jab Un Key Bachchey Jo Shahar Ja Kar
Kabhi Na Lautey To Log Samjhey.!