Kaun Rok Sakta Hai

Kaun Rok Sakta Hai...

Laakh Zabt-e-khwahish Ke
Be-Shumaar Daawe Hon
Uss Ko Bhool Jaane Ke
Be-Panaah Iraade Hon..

Aur Is Mohabbat Ko
Tark Kar Ke Jeene Ka
Faisla Sunaane Ko
Kitne Lafz Soche Hon..

Dil Ko Us Ki Aahat Par
Barmala Dhadakne Se
Kaun Rok Sakta Hai..??

Aansuon Ki Baarish Mai
Chaahe Dil Ke Haath'n Mai
Hijr Ke Musaafir Ke
Paaon Tak Bhi Chhoo Aao, 

Jis Ko Laut Jaana Ho
Us Ko Door Jaane Se
Raasta Badalne Se
Door Ja Nikalne Se
Kaun Rok Sakta Hai.!