Koi Bhi Lamha Kabhi Laut Kar Nahi Aaya

Koi Bhi Lamha Kabhi Laut Kar
Nahi Aaya...
Wo Shakhs Aisa Gaya Phir Nazar
Nahi Aaya...

Wafa Key Dast Mai Rastaa Nahi
Mila Koi...
Siwaaye Gird-E-Safar Hum-Safar
Nahi Aaya...

Palat Key Aaney Lagey Shaam Key
Parindey Bhi...
Humara Subah Ka Bhoola Magar
Nahi Aaya...

Kisi Charaagh Ne Poochhi Nahi
Khabar Meri...
Koi Bhi Phool Merey Naam Par
Nahi Aaya...

Ye Kaisi Baat Kahi Shaam Key
Sitaarey Ne...
K Chain Dil Ko Merey Raat Bhar
Nahi Aaya...

Humein Yaqee'n Hai...Nahi Wo
Waada-Khilaaf...
Par Umr Kaisey Kategi....Agar
Nahi Aaya...!!