Wo Phool Chehra, Gulaab Chehra,
Wo Shayeri Ki Kitaab Chehra.!
Jo Ek Nazar Mai Madhosh Kar De,
Wo Maykado'n Ki Sharaab Chehra.!
Husn Us'sey Sanwarna Seekhey,
Hai Husn Ka Bhi Shabaab Chehra.!
Sitaarey Bhi Us Ki Khaak-E-Paa Hain,
Wo Chand Chehra Mahtaab Chehra.!
Naqqaash Us'sey Naqqaashi Seekhey,
Musawwari Ka Nisaab Chehra.!
Gesoo Bikhrein Jo Rukh Pe Us Key,
Bani Hai Zulfein Hijaab Chehra.!
Hai Ishq Mera Ibaadato'n Sa,
Wo Aayato'n Ki Kitaab Chehra.!!
No comments:
Post a Comment