Baarishon Ke Mausam Mein

Baarishon Ke Mausam Mai
Wo Jo Apney Kamrey Ki
Khidkiyon Ko Band Kar Key
Baadalon Ke Jaaney Ka
Intezaar Kartey Hain.....
Wo Bhi Ek Zamaaney Se
Baarisho'n Ki Boondo'n Se
Kheltey Rahe Hongey.....
Chodhween Ki Raato'n Mai
Jald Soney Waalo'n Ki
Chaandni Sey Maazi Mai
Dosti Rahi Hogi.....
Husn-O-Ishq Ki Baatein
Aaj Waastey Jin Ke
Kuch Waq'at Nahi Rakhti,
Bhoole Bisrey Lamho'n Mai
Toot Kar Kisi Ko Wo
Chahtey Rahe Hongey.....
Wo Jo Apney Ghum Par Bhi
Aankh Nam Nahi Kartey
Kal Kisi Ki Khaatir Wo
Khoob Ro Chukey Hongey.....
Dard-Aashna Ho Kar
Ashk Kho Chukey Hongey..!!