Ghum Se Kahin Najaat Mile Chain Paayen Hum

Ghum se kahin najaat mile chain paayen hum..
Dil khoon mein nahaye to ganga nahayen hum.!

Jannat mein jaayen hum ke jahannam mein jaayen hum..
Mil jaaye to kahin na kahin tujh ko paayen hum.!

Jauf-e-falak mein khaak bhi lazzat nahin rahi..
Ji chahta hai teri jafaaen uthayen hum.!

Darr hai na bhool jaaye wo saffaak roz-e-hashr..
Duniya mein likhte jaate hain apni khataaen hum.!

Mumkin hai ye ke waade par apne wo aa bhi jaaye..
Mushkil ye hai ke aap mein us waqt aayen hum.!

Naraaz ho khuda to karein bandagi se khush..
Mashooq rooth jaaye to kyunkar manayen hum.!

Sar doston ka kaat ke rakhte hain saamne..
Ghairon se poochhte hain qasam kis ki khaayen hum.!

Kitna tera mizaaj khushamad-pasand hai..
Kab tak karein khuda ke liye iltijaaen hum.!

Laalach abas hai dil ka tumhein waqt-e-waapsi..
Ye maal wo nahin ke jise chhod jaayen hum.!

Saunpa tumhein khuda ko chale hum to na-muraad..
Kuchh padh ke bakhshna jo kabhi yaad aayen hum.!

Soz-e-daroo'n se apne sharar ban gaye hain ashk..
Kyun aah-e-sard ko na patinge lagayen hum.!

Ye jaan tum na loge agar aap jaayegi..
Us bewafa ki khair kahaan tak manayen hum.!

Hum-saaye jaagte rahe naalo'n se raat bhar..
Soye hue naseeb ko kyunkar jagayen hum.!

Jalwa dikha raha hai wo aaina-e-jamaal..
Aati hai hum ko sharm ke kya munh dikhayen hum.!

Maano kaha jafa na karo tum wafa ke baad..
Aisa na ho ke pher lein ulti duaaen hum.!

Dushman se milte julte hain khaatir se dosti..
Kya fayeda jo dost ko dushman banayen hum.!

Tu bhoolne ki cheez nahin khoob yaad rakh..
Ai 'Dagh' kis tarah tujhe dil se bhulayen hum.!!

"Dagh Dehlvi"
_______________

Jauf-e-falak = cavity of sky,
Saffaak = cruel, tyrant,
Soz-e-daroo'n = latent inflammation,
Patinge = moth,
_____________________

غم سے کہیں نجات ملے چین پائیں ہم
دل خون میں نہائے تو گنگا نہائیں ہم..

جنت میں جائیں ہم کہ جہنم میں جائیں ہم
مل جائے تو کہیں نہ کہیں تجھ کو پائیں ہم..

جوف فلک میں خاک بھی لذت نہیں رہی
جی چاہتا ہے تیری جفائیں اٹھائیں ہم..

ڈر ہے نہ بھول جائے وہ سفاک روز حشر
دنیا میں لکھتے جاتے ہیں اپنی خطائیں ہم..

ممکن ہے یہ کہ وعدے پر اپنے وہ آ بھی جائے
مشکل یہ ہے کہ آپ میں اس وقت آئیں ہم..

ناراض ہو خدا تو کریں بندگی سے خوش
معشوق روٹھ جائے تو کیونکر منائیں ہم..

سر دوستوں کا کاٹ کے رکھتے ہیں سامنے
غیروں سے پوچھتے ہیں قسم کس کی کھائیں ہم..

کتنا ترا مزاج خوشامد پسند ہے
کب تک کریں خدا کے لیے التجائیں ہم..

لالچ عبث ہے دل کا تمہیں وقت واپسیں
یہ مال وہ نہیں کہ جسے چھوڑ جائیں ہم..

سونپا تمہیں خدا کو چلے ہم تو نامراد
کچھ پڑھ کے بخشنا جو کبھی یاد آئیں ہم.. 

سوز دروں سے اپنے شرر بن گئے ہیں اشک
کیوں آہ سرد کو نہ پتنگے لگائیں ہم..

یہ جان تم نہ لوگے اگر آپ جائے گی
اس بے وفا کی خیر کہاں تک منائیں ہم..

ہمسائے جاگتے رہے نالوں سے رات بھر
سوئے ہوئے نصیب کو کیونکر جگائیں ہم..

جلوہ دکھا رہا ہے وہ آئینۂ جمال
آتی ہے ہم کو شرم کہ کیا منہ دکھائیں ہم..

مانو کہا جفا نہ کرو تم وفا کے بعد
ایسا نہ ہو کہ پھیر لیں الٹی دعائیں ہم..

دشمن سے ملتے جلتے ہیں خاطر سے دوستی
کیا فائدہ جو دوست کو دشمن بنائیں ہم..

تو بھولنے کی چیز نہیں خوب یاد رکھ
اے داغؔ کس طرح تجھے دل سے بھلائیں ہم..

Ghair Ko Munh Laga Ke Dekh Liya

Ghair ko munh laga ke dekh liya, 
Jhooth sach aazma ke dekh liya..

Un ke ghar 'Dagh' ja ke dekh liya,
Dil ke kahne mein aa ke dekh liya..

Kitni farhat-faza thi bu-e-wafa,
Us ne dil ko jala ke dekh liya..

Kabhi ghash mein raha shab-e-waada,
Kabhi gardan utha ke dekh liya..

Jins-e-dil hai ye wo nahin sauda,
Har jagah se manga ke dekh liya..

Log kahte hain chup lagi hai tujhe,
Haal-e-dil bhi suna ke dekh liya..

Jao bhi kya karoge mehr-o-wafa,
Baar-ha aazma ke dekh liya..

Zakhm-e-dil mein nahin hai qatra-e-khoon,
Khoob hum ne dikha ke dekh liya..

Idhar aaina hai udhar dil hai,
Jis ko chaha utha ke dekh liya..

Un ko khalwat-sara mein be-parda,
Saaf maidaan pa ke dekh liya..

Us ne subah-e-shab-e-wisaal mujhe,
Jaate jaate bhi aa ke dekh liya..

Tum ko hai wasl-e-ghair se inkaar,
Aur jo hum ne aa ke dekh liya..

'Dagh' ne khoob aashiqi ka maza,
Jal ke dekha jala ke dekh liya.!

"Dagh Dehlvi"
____________________

غیر کو منہ لگا کے دیکھ لیا
جھوٹ سچ آزما کے دیکھ لیا..

ان کے گھر داغؔ جا کے دیکھ لیا
دل کے کہنے میں آ کے دیکھ لیا..

کتنی فرحت فزا تھی بوئے وفا
اس نے دل کو جلا کے دیکھ لیا..

کبھی غش میں رہا شب وعدہ
کبھی گردن اٹھا کے دیکھ لیا..

جنس دل ہے یہ وہ نہیں سودا
ہر جگہ سے منگا کے دیکھ لیا..

لوگ کہتے ہیں چپ لگی ہے تجھے
حال دل بھی سنا کے دیکھ لیا..

جاؤ بھی کیا کرو گے مہر و وفا
بارہا آزما کے دیکھ لیا..

زخم دل میں نہیں ہے قطرۂ خوں
خوب ہم نے دکھا کے دیکھ لیا..

ادھر آئینہ ہے ادھر دل ہے
جس کو چاہا اٹھا کے دیکھ لیا..

ان کو خلوت سرا میں بے پردہ
صاف میدان پا کے دیکھ لیا.. 

اس نے صبح شب وصال مجھے
جاتے جاتے بھی آ کے دیکھ لیا..

تم کو ہے وصل غیر سے انکار
اور جو ہم نے آ کے دیکھ لیا.. 

داغؔ نے خوب عاشقی کا مزا
جل کے دیکھا جلا کے دیکھ لیا..

Dil-e-nakaam Ke Hain Kaam Kharaab

Dil-e-nakaam ke hain kaam kharaab..
Kar liya aashiqi mein naam kharaab.!

Is kharabaat ka yahi hai maza..
Ke rahe aadmi mudaam kharaab.!

Dekh kar jins-e-dil wo kahte hain..
Kyun kare koi apne daam kharaab.!

Abr-e-tar se saba hi achchhi thi..
Meri mitti hui tamaam kharaab.!

Wo bhi saaqi mujhe nahin deta..
Wo jo toota pada hai jaam kharaab.!

Kya mila hum ko zindagi ke siwa..
Wo bhi dushwaar na-tamaam kharaab.!

Wah kya munh se phool jhadte hain.. 
Khoob-ru ho ke ye kalaam kharaab.!

Chaal ki rahnuma-e-ishq ne bhi..
Wo dikhaya jo tha maqaam kharaab.!

'Dagh' hai bad-chalan to hone do..
Sau mein hota hai ek ghulaam kharaab.!!

"Dagh Dehlvi"
_______________

Mudaam = permanently, always, continually, eternally,
____________________

دل ناکام کے ہیں کام خراب
کر لیا عاشقی میں نام خراب..

اس خرابات کا یہی ہے مزہ
کہ رہے آدمی مدام خراب..

دیکھ کر جنس دل وہ کہتے ہیں
کیوں کرے کوئی اپنے دام خراب..

ابر تر سے صبا ہی اچھی تھی
میری مٹی ہوئی تمام خراب..

وہ بھی ساقی مجھے نہیں دیتا
وہ جو ٹوٹا پڑا ہے جام خراب..

کیا ملا ہم کو زندگی کے سوا
وہ بھی دشوار ناتمام خراب..

واہ کیا منہ سے پھول جھڑتے ہیں
خوب رو ہو کے یہ کلام خراب..

چال کی رہنمائے عشق نے بھی
وہ دکھایا جو تھا مقام خراب..

داغؔ ہے بدچلن تو ہونے دو
سو میں ہوتا ہے اک غلام خراب..

Dil Pareshaan Hua Jaata Hai

Dil pareshaan hua jaata hai..
Aur samaan hua jaata hai.!

Khidmat-e-peer-e-mughaa'n kar zaahid..
Tu ab insaan hua jaata hai.!

Maut se pahle mujhe qatl karo..
Us ka ahsaan hua jaata hai.!

Lazzat-e-ishq ilaahi mit jaaye..
Dard armaan hua jaata hai.!

Dam zara lo ke mera dam tum par..
Abhi qurbaan hua jaata hai.!

Girya kya zabt karun ai naaseh..
Ashk paimaan hua jaata hai.!

Bewafaai se bhi rafta rafta..
Wo meri jaan hua jaata hai.!

Arsa-e-hashr mein wo aa pahunche..
Saaf maidaan hua jaata hai.!

Madad ai himmat-e-dushwaar-pasand..
Kaam aasan hua jaata hai.!

Chhaai jaati hai ye wahshat kaisi..
Ghar bayabaan hua jaata hai.!

Shikwa sun aankh mila kar zaalim..
Kyun pashemaan hua jaata hai.!

Aatish-e-shauq bujhi jaati hai..
Khaak armaan hua jaata hai.!

Uzr jaane mein na kar ai qaasid..
Tu bhi nadaan hua jaata hai.!

Muztarib kyun na hon armaan dil mein..
Qaid mehmaan hua jaata hai.!

'Dagh' khamosh na lag jaaye nazar..
Sher deewaan hua jaata hai.!!

"Dagh Dehlvi"
_______________

Zaahid = hermit, devotee, abstinent, religious devout,
Arsa-e-hashr = duration of doomsday,
Himmat-e-dushwaar-pasand = courage of one who likes hardships,
Uzr = excuse, apology, plea,
____________________

دل پریشان ہوا جاتا ہے
اور سامان ہوا جاتا ہے..

خدمت پیر مغاں کر زاہد
تو اب انسان ہوا جاتا ہے..

موت سے پہلے مجھے قتل کرو
اس کا احسان ہوا جاتا ہے.. 

لذت عشق الٰہی مٹ جائے
درد ارمان ہوا جاتا ہے..

دم ذرا لو کہ مرا دم تم پر
ابھی قربان ہوا جاتا ہے..

گریہ کیا ضبط کروں اے ناصح
اشک پیمان ہوا جاتا ہے..

بے وفائی سے بھی رفتہ رفتہ
وہ مری جان ہوا جاتا ہے.. 

عرصۂ حشر میں وہ آ پہنچے
صاف میدان ہوا جاتا ہے..

مدد اے ہمت دشوارپسند
کام آسان ہوا جاتا ہے..

چھائی جاتی ہے یہ وحشت کیسی
گھر بیابان ہوا جاتا ہے..

شکوہ سن آنکھ ملا کر ظالم
کیوں پشیمان ہوا جاتا ہے..

آتش شوق بجھی جاتی ہے
خاک ارمان ہوا جاتا ہے..

عذر جانے میں نہ کر اے قاصد
تو بھی نادان ہوا جاتا ہے.. 

مضطرب کیوں نہ ہوں ارماں دل میں
قید مہمان ہوا جاتا ہے.. 

داغؔ خاموش نہ لگ جائے نظر
شعر دیوان ہوا جاتا ہے..

Dil Mubtila-e-lazzat-e-aazaar Hi Raha

Dil mubtila-e-lazzat-e-aazaar hi raha,
Marna firaaq-e-yaar mein dushwaar hi raha..

Har dam ye shauq tha use qurbaan kijiye,
Main wasl mein bhi jaan se be-zaar hi raha..

Ahsaan-e-afw-e-jurm se wo sharmsaar hun,
Bakhsha gaya main to bhi gunahgaar hi raha..

Hoti hain har tarah se meri paasdariyan,
Dushman ke paas bhi wo mera yaar hi raha..

Din pahluon se taal diya kuchh na kah sake,
Har chand un ko wasl ka inkaar hi raha..

Zaahid ki tauba tauba rahi ghoont ghoont par,
Sau botalein uda ke bhi hushyaar hi raha..

Dekhin hazaar rashk-e-masiha ki suratein,
Achchha raha jo ishq ka beemar hi raha..

Sadqe mein tum ne chhod diye hain bahut aseer,
Main bhi riha hua ke giraftaar hi raha..

Lazzat wafa mein hai na kisi ki jafa mein hai,
Dildaar hi raha na dil-aazaar hi raha..

Jalwe ke baad wasl ki khwahish zaroor thi,
Wo kya raha jo aashiq-e-deedaar hi raha..

Kahte hain jal ke ghair mohabbat se 'Dagh' ki,
Mashooq us ke paas wafadaar hi raha.!!

"Dagh Dehlvi"
_______________

Mubtila-e-lazzat-e-aazaar = engaged in the pleasure of sorrow,
Ahsaan-e-afw-e-jurm = favor of forgiving crime,
Paasdariyan = regards.
Rashk-e-masiha = envy of Messiah,
Dil-aazaar = cruel, oppressor,
____________________

دل مبتلائے لذت آزار ہی رہا
مرنا فراق یار میں دشوار ہی رہا..

ہر دم یہ شوق تھا اسے قربان کیجئے
میں وصل میں بھی جان سے بے زار ہی رہا..

احسان عفو جرم سے وہ شرمسار ہوں
بخشا گیا میں تو بھی گنہ گار ہی رہا..

ہوتی ہیں ہر طرح سے مری پاسداریاں
دشمن کے پاس بھی وہ مرا یار ہی رہا..

دن پہلوؤں سے ٹال دیا کچھ نہ کہہ سکے
ہر چند ان کو وصل کا انکار ہی رہا..

زاہد کی توبہ توبہ رہی گھونٹ گھونٹ پر
سو بوتلیں اڑا کے بھی ہشیار ہی رہا..

دیکھیں ہزار رشک مسیحا کی صورتیں
اچھا رہا جو عشق کا بیمار ہی رہا..

صدقے میں تم نے چھوڑ دیئے ہیں بہت اسیر
میں بھی رہا ہوا کہ گرفتار ہی رہا..

لذت وفا میں ہے نہ کسی کی جفا میں ہے
دل دار ہی رہا نہ دل آزار ہی رہا..

جلوہ کے بعد وصل کی خواہش ضرور تھی
وہ کیا رہا جو عاشق دیدار ہی رہا..

کہتے ہیں جل کے غیر محبت سے داغؔ کی
معشوق اس کے پاس وفادار ہی رہا..

Dil Ko Kya Ho Gaya Khuda Jaane

Dil ko kya ho gaya khuda jaane..
Kyun hai aisa udaas kya jaane.!

Apne ghum mein bhi us ko sarfa hai..
Ha khila jaane wo na kha jaane.!

Is tajahul ka kya thikana hai..
Jaan kar jo na muddaa jaane.!

Kah diya main ne raaz-e-dil apna..
Us ko tum jaano ya khuda jaane.!

Kya gharaz kyun idhar tawajjoh ho..
Haal-e-dil aap ki bala jaane.!

Jaante jaante hi jaanega..
Mujh mein kya hai abhi wo kya jaane.!

Kya hum us bad-gumaan se baat karein..
Jo sataaish ko bhi gila jaane.!

Tum na paoge saada-dil mujh sa..
Jo taghaful ko bhi haya jaane.!

Hai abas jurm-e-ishq par ilzaam..
Jab khata-waar bhi khata jaane.!

Nahin kotah daaman-e-ummid..
Aage ab dast-e-na-rasa jaane.!

Jo ho achchha hazaar achchhon ka..
Waaiz us but ko tu bura jaane.!

Ki meri qadr misl-e-shah-e-dakan..
Kisi nawwaab ne na raaja ne.!

Us se utthegi kya musibat-e-ishq..
Ibtida ko jo intiha jaane.!

'Dagh' se kah do ab na ghabrao..
Kaam apna bata hua jaane.!!

"Dagh Dehlvi"
_______________

Sarfa = expenditure,
Tajahul = ignorance, connivance,
Sataaish = praise, appreciation,
Abas = futile, profitless, purposeless,
Kotah = short, little, small, brief,
Dast-e-na-rasa = inaccessible hands,
Misl-e-shah-e-dakan = like king of Deccan,
____________________

دل کو کیا ہو گیا خدا جانے
کیوں ہے ایسا اداس کیا جانے..

اپنے غم میں بھی اس کو صرفہ ہے
نہ کھلا جانے وہ نہ کھا جانے..

اس تجاہل کا کیا ٹھکانا ہے
جان کر جو نہ مدعا جانے..

کہہ دیا میں نے راز دل اپنا
اس کو تم جانو یا خدا جانے..

کیا غرض کیوں ادھر توجہ ہو
حال دل آپ کی بلا جانے..

جانتے جانتے ہی جانے گا
مجھ میں کیا ہے ابھی وہ کیا جانے..

کیا ہم اس بد گماں سے بات کریں
جو ستائش کو بھی گلہ جانے..

تم نہ پاؤ گے سادہ دل مجھ سا
جو تغافل کو بھی حیا جانے..

ہے عبث جرم عشق پر الزام
جب خطاوار بھی خطا جانے..

نہیں کوتاہ دامن امید
آگے اب دست نارسا جانے..

جو ہو اچھا ہزار اچھوں کا
واعظ اس بت کو تو برا جانے..

کی مری قدر مثل شاہ دکن
کسی نواب نے نہ راجا نے..

اس سے اٹھے گی کیا مصیبت عشق
ابتدا کو جو انتہا جانے..

داغؔ سے کہہ دو اب نہ گھبراؤ
کام اپنا بتا ہوا جانے..

Darte Hain Chashm O Zulf O Nigaah O Ada Se Hum

Darte hain chashm o zulf o nigaah o ada se hum..
Har dam panaah maangte hain har bala se hum.!

Mashooq jaa-e-hoor mile, may bajaye aab..
Mahshar mein do sawaal karenge khuda se hum.!

Gar tu kisi bahane aa jaaye waqt-e-naz'a.. 
Zaalim karein hazaar bahane qaza se hum.!

Go haal-e-dil chhupate hain par is ko kya karein..
Aate hain khud-ba-khud nazar ek mubtila se hum.!

Na-chaar ikhtiyar kiya shewa-e-raqeeb..
Kuchh be-hayaai khoob hain guzre haya se hum.!

Maangi na hogi khizr ne yoon umr-e-jawedaan..
Kya apni maut maangte hain iltija se hum.!

Dekhein to pahle kaun mite us ki raah mein..
Baithe hain shart baandh ke har naqsh-e-pa se hum.!

Majboor apni shewa-e-sharm-o-haya se tum..
Na-chaar iztiraab-e-dil-e-mubtila se hum.!

Ye aarzu hai aankh mein surma lagayenge..
Ai 'Dagh' khaak-e-pa-e-rasool-e-khuda se hum.!! 

"Dagh Dehlvi"
_______________

ڈرتے ہیں چشم و زلف و نگاہ و ادا سے ہم
ہر دم پناہ مانگتے ہیں ہر بلا سے ہم..

معشوق جائے حور ملے مے بجائے آب
محشر میں دو سوال کریں گے خدا سے ہم..

گر تو کسی بہانے آ جائے وقت نزع
ظالم کریں ہزار بہانے قضا سے ہم..

گو حال دل چھپاتے ہیں پر اس کو کیا کریں
آتے ہیں خودبخود نظر اک مبتلا سے ہم..

ناچار اختیار کیا شیوۂ رقیب
کچھ بے حیائی خوب ہیں گزرے حیا سے ہم..

مانگی نہ ہوگی خضر نے یوں عمر جاوداں
کیا اپنی موت مانگتے ہیں التجا سے ہم.. 

دیکھیں تو پہلے کون مٹے اس کی راہ میں
بیٹھے ہیں شرط باندھ کے ہر نقش پا سے ہم..

مجبور اپنی شیوۂ شرم و حیا سے تم
ناچار اضطراب دل مبتلا سے ہم..

یہ آرزو ہے آنکھ میں سرمہ لگائیں گے
اے داغؔ خاک پائے رسول خدا سے ہم..