Mujhe Ai Ahl-e-kaaba Yaad Kya May-khana Aata Hai

Mujhe ai ahl-e-kaaba yaad kya may-khana aata hai,
Udhar deewana jaata hai idhar mastana aata hai,

Meri Mizhgaa'n se aansu pochhta hai kis liye naaseh..
Tapak padta hai khud jo is shajar mein daana aata hai,

Ye aamad hai ke aafat hai nigah kuchh hai ada kuchh hai..
Ilaahi khair mujh se aashna begana aata hai,

Dam-e-taqreer naale halq mein chhuriyan chubhote hain..
Zaban tak tukde ho ho kar mera afsaana aata hai,

Rukh-e-raushan ke aage shama rakh kar wo ye kahte hain..
Udhar jaata hai dekhein ya idhar parwana aata hai,

Jigar tak aate aate sau jagah girta hua aaya..
Tera teer-e-nazar aata hai ya mastana aata hai,

Wahi jhagda hai furqat ka wahi qissa hai ulfat ka..
Tujhe ai 'Dagh' koi aur bhi afsaana aata hai.!! 

"Dagh Dehlvi"
________________

مجھے اے اہل کعبہ یاد کیا مے خانہ آتا ہے
ادھر دیوانہ جاتا ہے ادھر مستانہ آتا ہے..

مری مژگاں سے آنسو پوچھتا ہے کس لئے ناصح
ٹپک پڑتا ہے خود جو اس شجر میں دانہ آتا ہے..

یہ آمد ہے کہ آفت ہے نگہ کچھ ہے ادا کچھ ہے
الٰہی خیر مجھ سے آشنا بیگانہ آتا ہے..

دم تقریر نالہ حلق میں چھریاں چبھوتے ہیں
زباں تک ٹکڑے ہو ہو کر مرا افسانہ آتا ہے..

رخ روشن کے آگے شمع رکھ کر وہ یہ کہتے ہیں
ادھر جاتا ہے دیکھیں یا ادھر پروانہ آتا ہے..

جگر تک آتے آتے سو جگہ گرتا ہوا آیا
ترا تیر نظر آتا ہے یا مستانہ آتا ہے..

وہی جھگڑا ہے فرقت کا وہی قصہ ہے الفت کا
تجھے اے داغؔ کوئی اور بھی افسانہ آتا ہے..