Us ne meri raah na dekhi aur wo rishta tod liya,
Jis rishte ki khaatir mujh se duniya ne munh mod liya...
Badi badi khushiyon ko haan nazdeek se ja kar dekha to,
Main ne raah ke chalte-phirte dukh se naata jod liya...
Main kitne rango'n mein dhhalta kab tak khud se lad paata,
Jiwan ek safar tha jis ne roz naya ek mod liya...
Aise shakhs ko meer banaya jo bas khwab dikhata tha,
Basti ke logon ne apna aap muqaddar phod liya...
Main to bhola-bhaala 'Waseem' aur wo fankaar siyasat ka,
Us ke jab ghatne ki baari aai mujh ko jod liya.!!
"Waseem Barelwi"
No comments:
Post a Comment