Tum Na Jaan Paoge

Shahr ke dukan-daaro, karobaar-e-ulfat mein sood kya ziyaan kya hai, tum na jaan paoge..

Sil ke daam kitne hain, khwab kitne mahnge hain, aur naqd-e-jaan kya hai, tum na jaan paoge.!

Koi kaise milta hai, phool kaise khilta hai, aankh kaise jhukti hai, saans kaise rukti hai..

Kaise rah nikalti hai, kaise baat chalti hai, shauq ki zabaan kya hai, tum na jaan paoge.!

Wasl ka sukoon kya hai, hijr ka junoon kya hai, husn ka fusoon kya hai  ishq ka daroon kya hai..

Tum mareez-e-danaai, maslahat ke shaidaai, rah-e-gum-rahaa'n kya hai, tum na jaan paoge.!

Zakhm kaise phalte hain, daagh kaise jalte hain, dard kaise hota hai, koi kaise rota hai..

Ashk kya hai naale kya, dasht kya hai chhaale kya, aah kya fughaa'n kya hai, tum na jaan paoge.!

Na-muraad dil kaise subah-o-shaam karte hain, kaise zinda rahte hain, aur kaise marte hain..

Tum ko kab nazar aai ghum-zadon ki tanhaai, zeest be-amaa'n kya hai, tum na jaan paoge.!

Jaanta hun main tum ko zauq-e-shayeri bhi hai, shakhsiyat sajaane mein ek ye maahiri bhi hai..

Phir bhi harf chunte ho, sirf lafz sunte ho, un ke darmiyan kya hai, tum na jaan paoge.!!

"Jawed Akhtar"
_______________

Rah-e-gum-rahaa'n = lost in way,
________________________

شہر کے دکاں دارو کاروبار الفت میں سود کیا زیاں کیا ہے تم نہ جان پاؤ گے...

دل کے دام کتنے ہیں خواب کتنے مہنگے ہیں اور نقد جاں کیا ہے تم نہ جان پاؤ گے.!

کوئی کیسے ملتا ہے پھول کیسے کھلتا ہے آنکھ کیسے جھکتی ہے سانس کیسے رکتی ہے... 

کیسے رہ نکلتی ہے کیسے بات چلتی ہے شوق کی زباں کیا ہے تم نہ جان پاؤ گے.!

وصل کا سکوں کیا ہے ہجر کا جنوں کیا ہے حسن کا فسوں کیا ہے عشق کا دروں کیا ہے...

تم مریض دانائی مصلحت کے شیدائی راہ گمرہاں کیا ہے تم نہ جان پاؤ گے.! 

زخم کیسے پھلتے ہیں داغ کیسے جلتے ہیں درد کیسے ہوتا ہے کوئی کیسے روتا ہے... 

اشک کیا ہے نالے کیا دشت کیا ہے چھالے کیا آہ کیا فغاں کیا ہے تم نہ جان پاؤ گے.!

نامراد دل کیسے صبح و شام کرتے ہیں کیسے زندہ رہتے ہیں اور کیسے مرتے ہیں...

تم کو کب نظر آئی غم زدوں کی تنہائی زیست بے اماں کیا ہے تم نہ جان پاؤ گے.!

جانتا ہوں میں تم کو ذوق شاعری بھی ہے شخصیت سجانے میں اک یہ ماہری بھی ہے... 

پھر بھی حرف چنتے ہو صرف لفظ سنتے ہو ان کے درمیاں کیا ہے تم نہ جان پاؤ گے.!