Tere aane ka intizaar raha,
Umr bhar mausam-e-bahaar raha..
Paa-ba-zanjeer zulf-e-yaar rahi,
Dil aseer-e-khyaal-e-yaar raha..
Saath apne ghumon ki dhoop rahi,
Saath ek sarw-e-saya-daar raha..
Main pareshan-haal aashufta,
Surat-e-rang-e-rozgaar raha..
Aaina aaina raha phir bhi,
Laakh dar-parda-e-ghubaar raha..
Kab hawaaen tah-e-kamand aayin,
Kab nigaahon pe ikhtiyaar raha..
Tujh se milne ko be-qaraar tha dil,
Tujh se mil kar bhi be-qaraar raha.!!
"Rasa Chughtai"
No comments:
Post a Comment