Mujhe bujha de mera daur mukhtasar kar de,
Magar diye ki tarah mujh ko mo'atabar kar de...
Bikharte toot te rishton ki umr hi kitni,
Main teri shaam hun aa ja meri sahar kar de...
Judaaiyon ki ye raatein to kaatni hongi,
Kahaniyon ko koi kaise mukhtasar kar de...
Tere khyaal ke haathon kuchh aisa bikhra hun,
Ke jaisa bachcha kitaabein idhar udhar kar de...
'Waseem' kis ne kaha tha ke yoon ghazal kah kar,
Ye phool jaisi zameen aansuon se tar kar de.!!
"Waseem Barelwi"
No comments:
Post a Comment