Jhatak Ke Zulfein Andhere Ko Taal Deti Hai

Jhatak Ke Zulfein Andhere Ko Taal Deti Hai..
Gulaab-zaadi Sahar Ko Ujaal Deti Hai.!

Main Tere Lams Ko Lafzo'n Mein Kis Tarah Laaun..
Tu Haath Chhooti Nahi Jaan Nikaal Deti Hai.! 

Kuch Is Ada Se Ghumaati Hai Sharbati Aankhein..
Tu Kayenaat Ko Mushkil Mein Daal Deti Hai.!

Gulaab-zaadi Tera Shukriya Ke Teri Hansi..
Mere Ghareeb Ke Fan Ko Kamaal Deti Hai.! 

Gulaab Titli Se Is Baat Par Ulajhte Hain..
Wo Baat Baat Par Teri Misaal Deti Hai.!

Gulaab O Motiya, Champa O Yasmeen Ki Majaal..
Tu Qahqahe Mein Wo Khushbu Uchhaal Deti Hai.!

Tere Khyal Ki Wus'at Ki Chandni Ki Qasam..
Tu Meri Shaam Ko Subah Ka Khyaal Deti Hai.!!

"Meesam Ali Aagha"

جھٹک کے زُلفیں اندھیرے کو ٹال دیتی ہے،
گلاب زادی ! سحر کو اُجال دیتی ہے..

میں تیرے لمس کو لفظوں میں کس طرح لاؤں،
تُو ہاتھ چھوتی نہیں جاں نکال دیتی ہے..

کچھ اِس ادا سے گُھماتی ہے شربتی آنکھیں،
تُو کائنات کو مُشکل میں ڈال دیتی ہے..

گُلاب زادی تِرا شکریہ کہ تیری ہنسی،
مِرے غریب کے فن کو کمال دیتی ہے..

گلاب تتلی سے اِس بات پر اُلجھتے ہیں،
وہ بات بات پہ تیری مثال دیتی ہے..

گلاب و موتیا چمپا و یاسمیں کی مجال،
تُو قہقہے میں وہ خُوشبو اُچھال دیتی ہے..

تِرے خیال کی وسعت کی چاندنی کی قسم،
تُو میری شام کو صُبح کا خیال دیتی ہے..

میثم علی آغا