Hawa-e-hijr Mein Jo Kuchh Tha Ab Ke Khaak Hua

Hawa-e-hijr mein jo kuchh tha ab ke khaak hua,
Ke pairahan to gaya tha badan bhi chaak hua...

Ab us se tark-e-ta'alluq karun to mar jaaun,
Badan se rooh ka is darja ishtiraak hua...

Yahi ke sab ki kamaanein humin pe tooti hain,
Chalo hisaab-e-saf-e-dostaa'n to paak hua...

Wo be-sabab yunhi rootha hai lamha-bhar ke liye,
Ye saaneha na sahi phir bhi karb-naak hua...

Usi ke qurb ne taqseem kar diya aakhir,
Wo jis ka hijr mujhe wajah-e-inhimaak hua...

Shadeed waar na dushman diler tha 'Mohsin',
Main apni be-khabri se magar halaak hua.!!

"Mohsin Naqwi"
__________

Ishtiraak = partnership, company, participation,
Karb-naak = painful, increasing agony; anguish,
Wajah-e-inhimaak = cause of concentration,
____________________

ہوائے ہجر میں جو کچھ تھا اب کے خاک ہوا
کہ پیرہن تو گیا تھا بدن بھی چاک ہوا..

اب اس سے ترک تعلق کروں تو مر جاؤں
بدن سے روح کا اس درجہ اشتراک ہوا..

یہی کہ سب کی کمانیں ہمیں پہ ٹوٹی ہیں
چلو حساب صف دوستاں تو پاک ہوا..

وہ بے سبب یوں ہی روٹھا ہے لمحہ بھر کے لئے
یہ سانحہ نہ سہی پھر بھی کرب‌ ناک ہوا..

اسی کے قرب نے تقسیم کر دیا آخر
وہ جس کا ہجر مجھے وجہ انہماک ہوا..

شدید وار نہ دشمن دلیر تھا محسنؔ
میں اپنی بے خبری سے مگر ہلاک ہوا..