Ghazlon Ki Dhanak Odh Mere Shola-badan Tu

Ghazlon ki dhanak odh mere shola-badan tu,
Hai mera sukhan tu mera mauzu-e-sukhan tu...

Kaliyon ki tarah phoot sar-e-shaakh-e-tamanna,
Khushbu ki tarah phail chaman-ta-ba-chaman tu..

Naazil ho kabhi zehn pe aayaat ki surat,
Aayaat mein dhhal ja kabhi jibraail dahan tu...

Ab kyun na sajaaun main tujhe deeda o dil mein,
Lagta hai andhere mein sawere ki kiran tu...

Pahle na koi ramz-e-sukhan thi na kinaya,
Ab nuqta-e-takmeel-e-hunar mehwar-e-fan tu...

Ye kam to nahin tu mera meyaar-e-nazar hai,
Ai dost mere waaste kuchh aur na ban tu...

Mumkin ho to rahne de mujhe zulmat-e-jaan mein,
Dhundhega kahaan chandni raaton ka kafan tu.!!

"Mohsin Naqwi"
__________

Dahan = mouth,
Ramz-e-sukhan = secret of conversation, poetry,
Kinaya = hint, riddle, metaphor, sign,
Nuqta-e-takmeel-e-hunar = point of completion of skill,
Mehwar-e-fan = axis of art,
Meyaar-e-nazar = quality of perception, view point,
____________________

غزلوں کی دھنک اوڑھ مرے شعلہ بدن تو
ہے میرا سخن تو مرا موضوع سخن تو..

کلیوں کی طرح پھوٹ سر شاخ تمنا
خوشبو کی طرح پھیل چمن تا بہ چمن تو..

نازل ہو کبھی ذہن پہ آیات کی صورت
آیات میں ڈھل جا کبھی جبریل دہن تو..

اب کیوں نہ سجاؤں میں تجھے دیدہ و دل میں
لگتا ہے اندھیرے میں سویرے کی کرن تو..

پہلے نہ کوئی رمز سخن تھی نہ کنایہ
اب نقطۂ تکمیل ہنر محور فن تو..

یہ کم تو نہیں تو مرا معیار نظر ہے
اے دوست مرے واسطے کچھ اور نہ بن تو..

ممکن ہو تو رہنے دے مجھے ظلمت جاں میں
ڈھونڈے گا کہاں چاندنی راتوں کا کفن تو..