Dast-bardaar agar aap ghazab se ho jaayen,
Har sitam bhool ke hum aap ke ab se ho jaayen...
Chaudhwin shab hai to khidki ke gira do parde,
Kaun jaane ke wo naraaz hi shab se ho jaayen...
Ek khushbu ki tarah phailte hain mahfil mein,
Aise alfaaz ada jo tere lab se ho jaayen...
Na koi ishq hai baaqi na koi parcham hai,
Log deewane bhala kis ke sabab se ho jaayen...
Baandh lo haath ke phailen na kisi ke aage,
Si lo ye lab ke kahin wo na talab se ho jaayen...
Baat to chhed mere dil koi qissa to suna,
Kya ajab un ke bhi jazbaat ajab se ho jaayen.!!
"Jawed Akhtar"
No comments:
Post a Comment