Dariya Ne Kal Jo Chup Ka Libaada Pahan Liya

Dariya ne kal jo chup ka libaada pahan liya,
Pyason ne apne jism pe sahra pahan liya..

Wo taat ki qaba thi ke kaghaz ka pairahan,
Jaisa bhi mil gaya humein waisa pahan liya..

Faaaqon se tang aaye to poshaak bech di,
Uryaan hue to shab ka andhera pahan liya..

Garmi lagi to khud se alag ho ke so gaye,
Sardi lagi to khud ko dobara pahan liya..

Bhaunchaal mein kafan ki zarurat nahin padi,
Har laash ne makaan ka malba pahan liya..

'Bedil' libaas-e-zeest bada deeda-zeb tha, 
Aur hum ne is libaas ko ulta pahan liya.!!

"Bedil Haidri"

دریا نے کل جو چپ کا لبادہ پہن لیا
پیاسوں نے اپنے جسم پہ صحرا پہن لیا

وہ ٹاٹ کی قبا تھی کہ کاغذ کا پیرہن
جیسا بھی مل گیا ہمیں ویسا پہن لیا

فاقوں سے تنگ آئے تو پوشاک بیچ دی
عریاں ہوئے تو شب کا اندھیرا پہن لیا

گرمی لگی تو خود سے الگ ہو کے سو گئے
سردی لگی تو خود کو دوبارہ پہن لیا

بھونچال میں کفن کی ضرورت نہیں پڑی
ہر لاش نے مکان کا ملبہ پہن لیا

بیدلؔ لباس زیست بڑا دیدہ زیب تھا
اور ہم نے اس لباس کو الٹا پہن لیا...