Dard ka shahr kahin karb ka sahra hoga,
Log waaqif the koi ghar se na nikla hoga..
Wo jo ek shakhs ba-zid hai ke bhula do mujh ko,
Bhool jaaun to usi shakhs ko sadma hoga..
Aankh khulte hi bichhad jayega har manzar-e-shab,
Chaand phir subah ke maqtal mein akela hoga..
Jin ujaalon ki taraf daud rahi hai duniya,
Un ujaalon mein qayamat ka andhera hoga..
Ek ummid har ek dar pe liye jaati hai,
Ye mera shahr tha koi to shanasa hoga.!!
"Ameer Qazalbash"
No comments:
Post a Comment