Har Dard Pahan Lena Har Khwab Mein Kho Jaana

Har dard pahan lena, har khwab mein kho jaana,
Kya apni tabiyat hai, har shakhs ka ho jaana..

Ek shahar basa lena bichhde hue logon ka,
Phir shab ke jazeere main dil thaam ke so jaana..

Mauzu-e-sukhan kuch ho, ta-der usay takna,
Har lafz pe ruk jaana, har baat pe kho jaana..

Aana to bikhar jaana saanson ki mahak ban kar,
Jaana to kaleje mai kaante chubho jaana..

Jaatay hue chup rahna un bolti aankhon ka,
Khamosh takallum se palkon ko bhigo jaana..

Lafzon main utar aana un phool se honthon ka,
Ek lams ki khushbu ka poron main sama jaana,

Har shaam azaaim ke kuch mahal bana lena,
Har subah iraadon ki dehleez pe so jaana.!

ہر درد پہن لینا ، ہر خواب میں کھو جانا
کیا اپنی طبیعت ہے ، ہر شخص کا ہو جانا..

اک شہر بسا لینا بچھڑے ہوئے لوگوں کا
پھر شب کے جزیرے میں دل تھام کے سو جانا..

موضوعِ سخن کچھ ہو ، تا دیر اسے تکنا
ہر لفظ پہ رک جانا ، ہر بات پہ کھو جانا..

آنا تو بکھر جانا سانسوں میں مہک بن کر
جانا تو کلیجے میں کانٹے سے چبھو جانا..

جاتے ہوئے چپ رہنا ان بولتی آنکھوں کا
خاموش تکلم سے پلکوں کو بھگو جانا..

لفظوں میں اتر آنا ان پھول سے ہونٹوں کا
اک لمس کی خوشبو کا پوروں میں سمو جانا..

ہر شام عزائم کے کچھ محل بنا لینا
ہر صبح ارادوں کی دہلیز پہ سو جانا..!!