Yaad nahin kya kya dekha tha saare manzar bhool gaye,
Us ki galiyon se jab laute apna bhi ghar bhool gaye..
Khoob gaye pardes ke apne deewar-o-dar bhul gaye,
Shish-mahal ne aisa ghera mitti ke ghar bhool gaye..
Tujh ko bhi jab apni qasmein apne waade yaad nahin,
Hum bhi apne khwab teri aankhon mein rakh kar bhool gaye..
Mujh ko jinhonne qatl kiya hai koi unhein batlaye 'Nazeer',
Meri laash ke pahlu mein wo apna khanjar bhool gaye.!!
"Nazeer Baaqri"
No comments:
Post a Comment