Takhleeq

* Nazm *
__________

Tumhaare honthon ki thandi thandi tilawatein,

Jhuk ke meri aankhon ko chhu rahi hain,

Main apne honthon se chun raha hun tumhaari saanson ki aayaton ko,

Ke jism ke is haseen kaabe pe rooh sajde bichha rahi hai,

Wo ek lamha bada muqaddas tha jis mein tum janm le rahi thin,

Wo ek lamha bada muqaddas tha jis mein main janm le raha tha,

Ye ek lamha bada muqaddas hai jis ko hum janm de rahe hain,

Khuda ne aise hi ek lamhe mein socha hoga,

Hayat takhleeq kar ke lamhe ke lams ko jawedaa'n bhi kar de.!!

"Gulzaar"