Meri chahat ki bahut lambi saza do mujh ko,
Karb-e-tanhaai mein jeene ki dua do mujh ko...
Fan tumhaara to kisi aur se mansoob hua,
Koi meri hi ghazal aa kar suna do mujh ko...
Haal behaal hai tareek hai mustaqbil bhi,
Ban pade tum se to maazi mera la do mujh ko...
Aakhiri shama hun main bazm-e-wafa ki logo,
Chaahe jalne do mujhe chaahe bujha do mujh ko...
Khud ko rakh ke main kahin bhool gayi hun shayad,
Tum meri zaat se ek baar mila do mujh ko.!!
"Nikhat Iftikhar"
No comments:
Post a Comment