Wo Khat Ke Purze Uda Raha Tha

Wo khat ke purze uda raha tha,
Hawaon ka rukh dikha raha tha..

Bataaun kaise wo bahta dariya,
Jab aa raha tha to ja raha tha..

Kuchh aur bhi ho gaya numayaan,
Main apna likkha mita raha tha..

Dhuan dhuan ho gayi thin aankhein,
Charagh ko jab bujha raha tha..

Munrer se jhuk ke chaand kal bhi,
Padosiyon ko jaga raha tha..

Usi ka imaan badal gaya hai,
Kabhi jo mera khuda raha tha..

Wo ek din ek ajnabi ko,
Meri kahani suna raha tha..

Wo umr kam kar raha tha meri,
Main saal apne badha raha tha..

Khuda ki shayad raza ho is mein,
Tumhaara jo faisla raha tha.!!

"Gulzaar"

وہ خط کے پرزے اڑا رہا تھا
ہواؤں کا رخ دکھا رہا تھا..

بتاؤں کیسے وہ بہتا دریا
جب آ رہا تھا تو جا رہا تھا..

کچھ اور بھی ہو گیا نمایاں
میں اپنا لکھا مٹا رہا تھا..

دھواں دھواں ہو گئی تھیں آنکھیں
چراغ کو جب بجھا رہا تھا..

منڈیر سے جھک کے چاند کل بھی
پڑوسیوں کو جگا رہا تھا..

اسی کا ایماں بدل گیا ہے
کبھی جو میرا خدا رہا تھا..

وہ ایک دن ایک اجنبی کو
مری کہانی سنا رہا تھا..

وہ عمر کم کر رہا تھا میری
میں سال اپنے بڑھا رہا تھا..

خدا کی شاید رضا ہو اس میں
تمہارا جو فیصلہ رہا تھا..