Umr Rayegaa'n Kar Di Tab Ye Baat Maani Hai,
Maut Aur Mohabbat Ki Ek Hi Kahani Hai,
Khel Jo Bhi Tha Jaanaa Ab Hisaab Kya Karna,
Jeet Jis Kisi Ki Ho Hum Ne Haar Maani Hai,
Wasl Par Bhi Naadim The Hijr Par Bhi Sharminda,
Wo Bhi Rayegaani Thi Ye Bhi Rayegaani Hai,
Ye Mera Hunar Teri Khusbuoun Se Wabasta,
Mere Saare Lafzon Par Teri Hukmarani Hai,
Jaane Kaun Shahzada Kab Chura Ke Le Jaaye,
Wo Jo Apne Aangan Mein Khusbuoun Ki Raani Hai.!!
"Noshi Gilani"
No comments:
Post a Comment