Tum Ne To Kah Diya Ke Mohabbat Nahi Mili,
Mujh Ko To Ye Kahne Ki Bhi Mohlat Nahi Mili...
Neendo'n Ke Des Jaate Koi Khwaab Dekhte,
Lekin Diya Jalane Se Fursat Nahi Mili...
Tujh Ko To Khair Shahar Ke Logo'n Ka Khauf Tha,
Aur Mujh Ko Apne Ghar Se Ijazat Nahi Mili...
Phir Ikhtilaaf Raaye Ki Soorat Nikal Padi,
Apni Yahaan Ksi Se Bhi Aadat Nahi Mili...
Be-Zaar Yoon Hue Ke Tere Ahd Mein Humein,
Sab Kuch Mila Sukoon Ki Daulat Nahi Mili..!!
"Noshi Gilani"
No comments:
Post a Comment