Teri aankhon mein rang-e-masti hai,
Haan mujhe aitibaar-e-hasti hai,
Mera hona bhi koi hona hai,
Meri hasti bhi koi hasti hai,
Jaan ka rog hai ye girya-e-ghum,
Umr bhar ye ghata barasti hai,
Jis tarah chandni mazaron par,
Dil pe yun be-kasi barasti hai,
Dil-e-veeraa'n ko dekhte kya ho,
Ye wahi aarzu ki basti hai,
'Saif' is zindagi ko kya kahiye,
Ek mayyat-ba-dosh hasti hai.!!
"Saifuddin Saif"
No comments:
Post a Comment