Ojhal Sahi Nigaah Se, Dooba Nahi Hoon Main

Ojhal Sahi Nigaah Se, Dooba Nahi Hoon Main,
Aey Raat Khabar-Daar, Ke Haara Nahi Hoon Main,

Darpesh Subah-O-Shaam Yehi Kash-Makash Hai Ab,
Us Ka Banun Main Kaise Ke Apna Nahi Hoon Main,

Mujh Ko Farishta Hone Ka Daawa Nahi Magar,
Jitna Bura Samajhte Ho Utna Nahi Hoon Main,

Is Tarah Pher Pher Ke Baatein Na Kijiye,
Lahje Ka Rukh Samajhta Hoon Bachcha Nahi Hoon Main,

Mumkin Nahi Hai Mujh Se Yeh Tarz-E-Munaafiqat,
Duniya Tere Mizaaj Ka Banda Nahi Hoon Main,

"Amjad" Thi Bheed Aisi Ke Chalte Chale Gaye,
Girne Ka Aisa Khauf Tha Thehra Nahi Hoon Main..!!

"Amjad Islam Amjad"