Mera ikhlaas bhi ek wajah-e-dil-azaari hai,
Banda-parwar mujhe ahsaas-e-gunahgaari hai,
Aap aziyat ka banate hain jo khoogar mujh ko,
Is se behtar bhala kya surat-e-ghum-khwari hai,
Mahz taskeen-baraari ke bahane hain sab,
Main to kahta hun mohabbat bhi riya-kaari hai,
Mashq karta hai nasihat ki jin ayyaam mein tu,
Waaiz-e-shahar wahi mausam-e-may-khwari hai,
Kaise aayega na sar-dard ko aaram 'Adam',
Mere ahbaab ko taqreer ki beemari hai.!!
"Abdul Hameed Adam"
No comments:
Post a Comment