Koi lashkar ke dhadakte hue ghum aate hain,
Shaam ke saaye bahut tez qadam aate hain,
Dil wo darwesh hai jo aankh uthata hi nahin,
Is ke darwaze pe sau ahl-e-karam aate hain,
Mujh se kya baat likhaani hai ke ab mere liye,
Kabhi sone kabhi chaandi ke qalam aate hain,
Main ne do-chaar kitaabein to padhi hain lekin,
Sheyr ke taur-tareeqe mujhe kam aate hain,
Khoobsurat sa koi haadsa aankhon mein liye,
Ghar ki dahleez pe darte hue hum aate hain..!!
"Basheer Badr"
No comments:
Post a Comment