Koi Khamosh Zakhm Lagti Hai

Koi khamosh zakhm lagti hai,
Zindagi ek nazm lagti hai..

Bazm-e-yaraa'n mein rahta hun tanha,
Aur tanhaai bazm lagti hai..

Apne saaye pe paanw rakhta hun,
Chhaanw chhaalon ko narm lagti hai..

Chaand ki nabz dekhna uth kar,
Raat ki saans garm lagti hai..

Ye riwayat ke dard mahke rahein,
Dil ki dereena rasm lagti hai..!!

"Gulzaar"

کوئی خاموش زخم لگتی ہے
زندگی ایک نظم لگتی ہے..

بزم یاراں میں رہتا ہوں تنہا
اور تنہائی بزم لگتی ہے..

اپنے سائے پہ پاؤں رکھتا ہوں
چھاؤں چھالوں کو نرم لگتی ہے..

چاند کی نبض دیکھنا اٹھ کر
رات کی سانس گرم لگتی ہے..

یہ روایت کہ درد مہکے رہیں
دل کی دیرینہ رسم لگتی ہے..