Khol kar in siyah baalon ko,
Rok do subah ke ujaalon ko,
Tere qadmon ne sarfaraaz kiya,
Ek muddat ke payemaalon ko,
Ek tabassum se umr bhar ke liye,
Raushni de gaye khyaalon ko,
Hum raheen-e-ghum-e-hayat rahe,
Maut aai naseeb waalon ko,
Misl-e-najm-e-sahar larazte hain,
Dekhta ja shikasta-haalon ko,
'Saif' jab wo niaah yaad aai,
Aag si lag gai khyaalon ko.!!
"Saifuddin Saif"
No comments:
Post a Comment