Humein Khabar Hai Wo Mehmaan Ek Raat Ka Hai

Humein khabar hai wo mehmaan ek raat ka hai,
Humare paas bhi samaan ek raat ka hai,

Safeene barson na rakkhenge saahilon pe qadam,
Tumhein gumaan hai ke tufaan ek raat ka hai,

Hai ek shab ki iqamat sara-e-duniya mein,
Ye saara khel meri jaan ek raat ka hai,

Khulegi aankh to samjhoge khwab dekha tha,
Ye saara khel meri jaan ek raat ka hai,

Tumhaari shaan humari bisaat kya hai yahaan,
Shikwa-e-khusro-e-khaqaan ek raat ka hai,

Bas ek shab ka ujaala hai us ke daaman mein,
Ke ye charagh nigahbaan ek raat ka hai.!!

"Saifuddin Saif"