Har Su Dikhaai Dete Hain Wo Jalwagar Mujhe

Har su dikhaai dete hain wo jalwagar mujhe,
Kya kya fareb deti ha meri nazar mujhe,

Aaya na raas naala-e dil ka asar mujhe,
Ab tum mile to kuchh nahin apni khabar mujhe,

Daala ha bekhudi ne ajab raah par mujhe
Aankhen hain aur kuchh nahin aata nazar mujhe

Karna ha aaj hazrat-e naaseh se saamna,
Mil jaaye do ghadi ko tumhaari nazar mujhe,

Yaksaan hai husn-o-ishq ki sarmastiyon ka rang,
Un ki khabar unhein hai na apni khabar mujhe,

Main door hun to rooh-e sukhan mujh se kis liye,
Tum paas ho to kyun nahin aate nazar mujhe,

Mastaana kar raha hun raah-e-aashiqi ko tay,
Le jaaye jazbe-shauq mera ab jidhar mujhe,

Darta hun jalwa-e-rukh-e-jaanaa ko dekh kar,
Apna bana na le kahin meri nazar mujhe,

Marna hai un ke paanw pe rakh kar sar-e-niyaaz,
Karna hai aaj qissa-e-ghum mukhtasar mujhe,

Seene se dil azeez hai dil se ho tum azeez,
Sab se magar azeez hai meri nazar mujhe, 

Main door hun to ruu e sukhan mujh se kis liye,
Tum paas ho to kyun nahi aate nazar mujhe,

Kya jaaniye qafas mein rahe kya muaamla,
Ab tak jo hain azeez mere baal o par mujhe, 

Dil le ke mujh se dete ho daagh-e jigar mujhe,
Ye baat bhulane ki nahin umr bhar mujhe..!!

"Jigar Muradabadi"