Haath Chhootein Bhi To Rishte Nahin Chhoda Karte

Haath chhootein bhi to rishte nahin chhoda karte,
Waqt ki shaakh se lamhe nahin toda karte..

Jis ki aawaz mein silwat ho nigahon mein shikan,
Aisi tasveer ke tukde nahin joda karte..

Lag ke saahil se jo bahta hai use bahne do,
Aise dariya ka kabhi rukh nahin moda karte..

Jaagne par bhi nahin aankh se girtin kirchein,
Is tarah khwabon se aankhein nahin phoda karte..

Shahd jeene ka mila karta hai thoda thoda,
Jaane waalon ke liye dil nahin thoda karte..

Ja ke kohsaar se sar maaro ke aawaz to ho,
Khasta deewaron se maatha nahin phoda karte.!! 

"Gulzaar"

ہاتھ چھوٹیں بھی تو رشتے نہیں چھوڑا کرتے
وقت کی شاخ سے لمحے نہیں توڑا کرتے..

جس کی آواز میں سلوٹ ہو نگاہوں میں شکن
ایسی تصویر کے ٹکڑے نہیں جوڑا کرتے..

لگ کے ساحل سے جو بہتا ہے اسے بہنے دو
ایسے دریا کا کبھی رخ نہیں موڑا کرتے..

جاگنے پر بھی نہیں آنکھ سے گرتیں کرچیں
اس طرح خوابوں سے آنکھیں نہیں پھوڑا کرتے..

شہد جینے کا ملا کرتا ہے تھوڑا تھوڑا
جانے والوں کے لیے دل نہیں تھوڑا کرتے..

جا کے کہسار سے سر مارو کہ آواز تو ہو
خستہ دیواروں سے ماتھا نہیں پھوڑا کرتے..