Ghar Se Tumhaari Di Hui Cheezein Nikaal Deen

Ghar se tumhaari di hui cheezein nikaal deen,
Jaise khud apne jism se saansein nikaal deen,

Dekha bas ek dafa use main ne qareeb se,
Phir ahl-e-shahar ne meri aankhein nikaal deen,

Hairat hai us ne qaid bhi khud hi kiya mujhe,
Phir khud mere faraar ki raahein nikaal deen,

Kuchh us ne bhi saheliyon ke munh se sun liya,
Kuchh mere doston ne bhi baatein nikaal deen,

Ek pal mein khatm ho gayi umr-e-taweel bhi,
Jab zindagi se hijr ki raatein nikaal deen,

Jaane wo kis ke waaste likhi gayin ai dost,
Main ne musawwade se jo nazmein nikaal deen.!! 

"Fakhr Abbas"
__________

Musawwade = manuscript,

گھر سے تمہاری دی ہوئی چیزیں نکال دیں
جیسے خود اپنے جسم سے سانسیں نکال دیں

دیکھا بس اک دفعہ اسے میں نے قریب سے
پھر اہل شہر نے مری آنکھیں نکال دیں

حیرت ہے اس نے قید بھی خود ہی کیا مجھے
پھر خود مرے فرار کی راہیں نکال دیں

کچھ اس نے بھی سہیلیوں کے منہ سے سن لیا
کچھ میرے دوستوں نے بھی باتیں نکال دیں

اک پل میں ختم ہو گئی عمر طویل بھی
جب زندگی سے ہجر کی راتیں نکال دیں

جانے وہ کس کے واسطے لکھی گئیں اے دوست
میں نے مسودے سے جو نظمیں نکال دیں...