Ek Parwaaz Dikhaai Di Hai

Ek parwaaz dikhaai di hai,
Teri aawaaz sunaai di hai..

Sirf ek safha palat kar us ne,
Saari baaton ki safaai di hai..

Phir wahin laut ke jaana hoga,
Yaar ne kaisi rihaai di hai..

Jis ki aankhon mein kati thin sadiyaan,
Us ne sadiyon ki judaai di hai..

Zindagi par bhi koi zor nahin,
Dil ne har cheez paraai di hai..

Aag mein kya kya jala hai shab bhar,
Kitni khush-rang dikhaai di hai.!!

"Gulzaar"

ایک پرواز دکھائی دی ہے
تیری آواز سنائی دی ہے..

صرف اک صفحہ پلٹ کر اس نے
ساری باتوں کی صفائی دی ہے..

پھر وہیں لوٹ کے جانا ہوگا
یار نے کیسی رہائی دی ہے..

جس کی آنکھوں میں کٹی تھیں صدیاں
اس نے صدیوں کی جدائی دی ہے..

زندگی پر بھی کوئی زور نہیں
دل نے ہر چیز پرائی دی ہے..

آگ میں کیا کیا جلا ہے شب بھر
کتنی خوش رنگ دکھائی دی ہے..