Aankhon mein raha dil mein utar kar nahin dekha,
Kashti ke musaafir ne samandar nahin dekha,
Be-waqt agar jaaunga sab chaunk padenge,
Ek umr hui din mein kabhi ghar nahin dekha,
Jis din se chala hun meri manzil pe nazar hai,
Aankhon ne kabhi meel ka patthar nahin dekha,
Ye phool mujhe koi wiraasat mein mile hain,
Tum ne mera kaanton bhara bistar nahin dekha,
Yaaron ki mohabbat ka yaqeen kar liya main ne,
Phoolon mein chhupaya hua khanjar nahin dekha,
Mahboob ka ghar ho ki buzurgon ki zamrenein,
Jo chhorh diya phir use mud kar nahin dekha,
Khat aisa likha hai ke nageene se jade hain,
Wo haath ke jis ne koi zewar nahin dekha,
Patthar mujhe kahta hai mera chaahne waala,
Main mom hun us ne mujhe chhu kar nahin dekha..!!
"Basheer Badr"
No comments:
Post a Comment