Maine Dekha Tha Un Dinon Mein Usey

Maine dekha tha un dinon mein usey,
Jab woh khilte gulaab jaisa tha,
Us ki palkon se neend chhanti thi,
Us ka lahja sharaab jaisa tha,

Us ki zulfon se bheegti thi ghataa,
Us ka rukh mahtaab jaisa tha,
Log parhte they khaal-o-khad us ke,
Woh adab ki kitaab jaisa tha,

Bolta tha zubaan khushbuu ki,
Log sunte they dhadkanon mein usey,
Maine dekha tha un dinon mein usey,

Saari aankhein thi aainey us ke,
Saarey chehron mein intikhaab tha woh,
Sab se ghul mil ke ajnabi rahna,
Ek dariya numaa saraab tha woh,

Khwaab yeh hai ke woh haqeeqat tha,
Yeh haqeeqat hai koi khwaab tha woh,
Dil ki dharti pe asmaan ki tarah,
Soorat-e-saya-e-sahaab tha woh,

Apni neendein bhi us ki nazr hui’n,
Maine paaya tha rat-jagon mein usey,
Mene dekha tha un dinon mein usey,

Jab woh hans hans ke baat karta tha,
Dil ke khaimey mein raat karta tha,
Rang padhte they aanchlon mein usey,
Maine dekha tha un dinon mein usey,

Yeh magar dair ki kahani hai,
Yeh magar door ka fasaana hai,
Us ke mere milaap mein haayel,
Ab to sadiyon bhara zamana hai,

Ab to yoon hai haal apna bhi,
Dasht-e-hijraan ki shaam jaisa hai,
Kya khabar in dinon wo kaisa hoga,
Maine dekha tha un dinon mein usey..

"Mohsin Naqwi"

میں نے دیکھا تھا اُن دِنوں میں اُسے
جب وہ کھلتے گُلاب جیسا تھا
اُس کی پلکوں سے نیند چَھنتی تھی
اُس کا لہجہ شراب جیسا تھا
اُس کی زُلفوں سے بھیگتی تھی گھٹا
اُس کا رُخ ماہتاب جیسا تھا
لوگ پڑھتے تھے خال و خَذ اُس کے
وہ اَدب کی کتابِ جیسا تھا
بولتا تھا زبان خُوشبو کی
لوگ سنتے تھے دھڑکنوں میں اُسے
میں نے دیکھا تھا اُن دِنوں میں اُسے

ساری آنکھیں تھیں آئینے اُس کے
سارے چہرے میں انتخاب تھا وہ
سب سے گُھل مل کے اجنبی رہنا
ایک دریا نُما سَراب تھا وہ
خواب یہ ہے کہ وہ " حقیقت تھا "
یہ حقیقت ہے کوئی خواب تھا وہ
دل کی دھرتی پہ آسماں کی طرح
صُورت سایہ و سحاب تھا وہ
اپنی نیندیں اُسی کی نذر ہُوئیں
میں نے پایا تھا رتجگوں میں اُسے
میں نے دیکھا تھا اُن دِنوں میں اُسے

جب وہ ہنس ہنس کے بات کرتا تھا
دل کے خیمے میں رات کرتا تھا
رنگ پڑھتے تھے آنچلوں میں اُسے
میں نے دیکھا اُن دِنوں میں اُسے

یہ مگر دیر کی کہانی ہے
یہ مگر دُور کا فسانہ ہے
اُس کے میرے ملاپ میں حائل
اَب تو صدیوں بھرا زمانہ ہے

اب تو یوں ہے حال اپنا بھی
دشتِ ہجراں کی شام جیسا ہے
کیا خبر اِن دنوں وہ کیسا ہے؟
میں نے دیکھا تھا اُن دنوں میں اُسے...

"محسن نقوی"